香港新浪網MySinaBlog 精選話題工具
新浪網 - MySinaBlog
玩膠袋
毛毛，叮叮 | 30th Oct 2006 | 叮叮 | (200 Reads)
鼠哥只顧情敵，唔理我地 lu。嗚嗚。早上趁佢未起身，研究一下佢最近買Ｄ乜。佢最鍾意去完宜家一袋二袋放響地，今次... 好似買嘢俾人多Ｄ喎。

佢冇耐就起咗身瓜瓜嘈，好話我嘈住佢。早Ｄ訓啦！

留言(1) | 引用(0)

貓砂
毛毛，叮叮 | 18th Oct 2006 | 毛毛 | (222 Reads)
上個禮拜紫紅的飲酒四人組嚟開紅酒。好彩紫紅提一提嗰隻鼠啫，原來佢連貓砂要換幾密都唔知。等我地日日喺佢面前，出出入入個廁所，仲喺門口整一篤，佢都唔識。

唉，紫紅嘅波子同 QQ 就好啦，有乜唔好就可以罷痾或者亂痾。或者呢兩招第日用得著。

反而大邦嚟咗呢度訓，都係佢抵嗲一Ｄ。嗰隻鼠都係冇得救㗎啦，由佢繼續講電話 MSN 飽佢啦，記得訂貓糧就得啦。

留言(3) | 引用(0)

成梳化都係嘢
毛毛，叮叮 | 12th Oct 2006 | 毛毛 | (200 Reads)

昨晚我和叮叮在廳中跑跑跳跳。對，那個叫大邦的大朋友沒有在地板上睡，還給我們一片地方跑跑，費時有鼠又話我地肥。

今日嗰隻鼠返嚟之後就幫我抹眼水。人地瞓得咁琳，一開燈咪撐唔大隻眼囉。不過四圍行... 真係唔該佢要執吓間屋。你睇，成梳化都係嘢，搵個地方坐都冇...

留言(0) | 引用(0)

一袋二袋
毛毛，叮叮 | 9th Oct 2006 | 毛毛 | (204 Reads)
那隻鼠買到家中一袋二袋，係人都知佢有嘢。我睇過啦，食得唔食得嘅都有，就係冇嘢買俾我地！哼。好彩我不嬲都冇話咁 depend on 佢。早幾日叮叮就喺床前痾篤屎，算係向佢反映吓意見咁啦。

仲有，今晚罐罐頭，唔該換過罐呀，唔好食。

留言(1) | 引用(0)

豉油王乾煎蝦碌
毛毛，叮叮 | 5th Oct 2006 | 叮叮 | (438 Reads)
鼠除咗茶飯不思加半夜晨早起身 MSN，最近都係唔知做乜。早出晚歸，要出動到我撩佢先玩... 今晚佢返到嚟，一邊講住電話，一身都係豉油王乾煎蝦碌味。嘩，平時已經要俾佢沖完涼先準掂我，一返嚟想攪我？走！

聽佢講電話，仲話去 BBQ 添。嗱，燒雞翼我好呀，到時唔好怪我咬你。

擺個靚甫士先。

留言(1) | 引用(0)