我知道毛毛愛佢，我都愛架。條牛仔褲經毛毛瞓過拉過扯過，已經移咗幾次位。今朝我可以瞓喺大邦個袋，再加埋條牛仔褲一齊磨。噢，我地唔怕難為情㗎。

冇見大邦一排，好掛住佢... 條牛仔褲，我晚晚都用嚟當床瞓架。今朝真係掛佢掛到上心口，情不自禁...

叮叮都唔執輸，日日都跳入去大邦袋衫度尋寶咁搵嚟搵去。佢所有嘅衫都有我地嘅氣味同貓毛啦，你唔使移情別戀啦！

我都係學嗰隻鼠咋，係屋企卿卿我我咁，旁若無貓。既然係咁，我只好搵家姐叮叮挨吓。睇我嘅眼神都知我幾無奈...

上星期六紫紅加好大班人上咗嚟探我地。我知係探嗰隻鼠... 不過我地有足夠嘅注目就得。紫紅話我地係 PR 貓，無錯，我地要學吓交際啦！

難得尋晚成晚同鼠哥哥瞓，點知臨天光賴屎...

好抑鬱呀。鼠哥話返公司問吓朋友... 死啦，要睇獸醫點算？